മനുഷ്യന്റെ നിലനില്പ്പ് തന്നെ പ്രപഞ്ചവും അതിലെ വൃക്ഷങ്ങളുമായ് ബന്ധപ്പെട്ടിരിക്കുന്നു.
കൂവളം നില്ക്കുന്ന വസ്തുവില് എന്നും ഐശ്വര്യം കളിയാടും.
മുള്ളുള്ള വൃക്ഷങ്ങള് ശത്രുതയ്ക്ക് കാരണം ആകുമ്പോള്, പാലുള്ള വൃക്ഷങ്ങള് ധന നാശത്തിനു കാരണം ആകുന്നു.
പുഷ്പ വൃക്ഷങ്ങളും, ഫല വൃക്ഷങ്ങളും നാട്ടു പിടിപ്പിക്കുന്നത് നല്ലതാണ്. പ്രകൃതി മനോഹാരിത എന്നത് വൃക്ഷങ്ങളുമായി ബന്ധപ്പെട്ടിരിക്കുന്നു.
Tuesday, 18 August 2015
തേക്ക്
തേക്ക്
ഒരു കഠിനമരമാണ് തേക്ക് . (ഇംഗ്ലീഷ്: Teak; ശാസ്ത്രനാമം:Tectona grandis). ഏകദേശം 50 മീറ്റർവരെ ഉയരത്തിൽ വളരുന്ന തേക്കുമരം 'തരുരാജൻ' എന്നും അറിയപ്പെടുന്നു. കേരളത്തിലെ ഇലപൊഴിയും കാടുകളിൽ തേക്ക് ധാരാളമായി വളരുന്നു. സൂര്യപ്രകാശം ധാരാളം ലഭിക്കുന്നിടത്ത് ഉയരത്തിൽ വളരുന്ന ഇവയ്ക്ക് പൊതുവെ ശാഖകൾ കുറവായിരിക്കും. ഏകദേശം 60 സെന്റിമീറ്റർ വരെ നീളവും അതിന്റെ പകുതി വീതിയുമുള്ള വലിയ ഇലകളാണ് തേക്കുമരത്തിന്റെ മറ്റൊരു പ്രത്യേകത. ശില്പങ്ങളും ഗൃഹോപകരണങ്ങളുമുണ്ടാക്കാനുത്തമമായ ഇവയുടെ തടിയിൽ ജലാംശം പൊതുവെ കുറവായിരിക്കും. ഇവ തെക്കെ എഷ്യയിലാണ് കണ്ടുവരുന്നത്. കേരളത്തിലെ ഇലപൊഴിയും ആർദ്ര വനങ്ങളിൽ ആണ് കൂടുതലും കണ്ട് വരുന്നത്. വളരെ ഉയരവും വണ്ണവുമുള്ള മരമാണിത്. ഇവ ഏകദേശം 30-40 മീ. ഉയരത്തിൽ വളരുന്നു.
No comments:
Post a Comment